واصل عالمي

صادقين واصل بدون لف ولا دوران و أغراضك تجي لعند باب بيتك 🙂 ، في أدلع من كذا ؟! 😛

الله يسعدهم وفروا علي وقت أول كان عندنا بيتنا رحلة الشتاء و الصيف .

إذا طلبت شي من أمازون أطله على عنوان أخوي في أمريكا و بعدين إذا جاء بالصيف جابه أو بديسمبر يجيبه معه بس إذا كان شي مره ضروري أطلبها على عنوان بيتنا و كان يجي احم احم ضربة 😦

واصل عالمي

خدمة يقدمها البريد السعودي مجانا( بدون رسوم اشتراك )

تشترك معهم و يعطونك 4 عناوين ( أمريكا، أوربا ، الصين ، أستراليا ) . كثر الله خيرهم 🙂

لمعلومات زيادة و كيفية الإشتراك اضفط هنا

لما تجي تطلب من اي سايت أو أمازون تطلب على العنوان اللي هم معطينك إياه و بعدين لا وصلت الشحنة للبريد مثلا في أمريكا يرسلون لك إيميل يقوولن لك وصلت و سعر الشحن مثلا 50 ريال و يعطونك رقم حسابهم تدفع

و بعدين يشحنونها لك و يوصلونها لعند بيتك و يكلمونك تليفون أنها عند الباب 🙂

تقدر تتابع شحنتك من موقع البريد

رسوم الخدمة

تجربة

جربها قبلي خالد أخوي طلب جزمة من أمازون الله يعزكم و بعدين قلت أنا بجربها فطلبت كفر لجوالي 🙂 و كتاب واحد و قلت بشوف بيوصلون بالسلامة ولا لا و الحمد الله وصلوا عندي

يحيا واصل 😀 ، اليوم كتب  وبكرا  ملابس و شوكطاطا و صحون

و إذا كنت تحب الجبن الله الله يرسلونه لك كأنه في ثلاجة صغيرة 🙂 مايخرب

ترتوب حلو

Read Full Post »

3D Home App.

هذا البرنامج نص خوقاقي 🙂  .
مخصص لكل من يريد تخيل تصميم بيته و للمهندسين وقت الضيقة إذا كان عندهم عميل عجز يفهم 🙂

صدق أنه مايجي ربع جودة ثري دي ماكس بس أنه يؤدي الغرض إذا كنت مستعجل و هذا المطلوب 🙂

الله يسلمكم فكرة البرنامج مخصص لتصميم البيوت : عبارة عن 4 مراحل

تخطيط البيت  – فتح أو غلق الأبواب و النوافذ و الجدران – تأثيث – ثري دي

المرحلة الأولى : التخطيط

أول شيء لازم ترسم مخطط البيت و عندك قائمة جاهزة تختار منها : المطبخ ، غرفة النوم ، دورة المياه و مقترحين لك مقاسات معينة الطول و العرض و تقدر تغيريه

– إذا اخترت كل الحيزات اللي تبيها تقدر ترتبها على كبفك

Tap on space untill it becomes blue then move it to the place you want it , when the square is blue you can modify   also the dimensions .

المرحلة الثانية :فتح أو غلق الأبواب و النوافذ و الجدران

– لما تخلص ترتوب المخطط تختار انترير بتلاقيه فوق و بعدين البرنامج تلقائيا بيحط لك الجدران و الأبواب و النوافذ . قبل لا تبدأ تأثث إذا بغيت تفتح مكانين على بعض أو تحذف دريشة أو تغير مقاس أو تعكس اتجاه كل هذا تقدر تتحكم فيه من modify

اضغط على الشيء اللي تبي تعدل فيه مثلا

المرحلة الثالثة:التأثيث

إذا خلصت من المرحلة اللي فوق و تبدأ تحط أثاث اضغط على الحيز اللي تبي تأثثه الين مايصير لون أزرق بعدين اختار فرنيشر من تحت و بتطلع لك قائمة فيها كل الأثاث اضغط على اللي تبي و بتنزل في الحيز
إذا تبي تغير مكان الكرسي مثلاا اضغط عليه و بعدين اسحبه المكان اللي تبي و تقدر تغير مقاساه من modify  أو اتجاه من rotate

المرحلة الرابعة : 3d

إضغط ثري دي من فوق و بيفتح لك نافذة جديدة فيها الحيز ثري دي بيكون الوضيعة doll house

يعني تشوفه من فوقه أما إذا بغيت تغير الثري دي و تحس أنك داخل البيت اضغط walk throughو بيطلع لك اسهم على اليمين تتحرك من خلالها .

إذا بغيت تغير لون الأرض أو الجدار اختار متيريل و اختار المادة اللي تبيه من القائمة و بعدين بيطلع لك خيارين يقولك يالجدار أو الأرض و اختار أنت اللي تبي .

عيوب البرنامج
– دقة الثري دي ليست جيدة بس تمشي الحال

– لون الأثاث يجيب الكتمة و العدد محدود ، إذا بغيت زيادة أثاث لازم تشتري

مميزاته

– ينفع وقت الضيقة .

البرنامج

أعتذر إذا كان الشرح موب كافي و مو باللغة العربية الفصحى لأني بفحط تفحيط 😀

Read Full Post »

عيدكم مبارك

كل عام و أنتم إلى الله أقرب و في الجنة أعلى =)
تقبل الله طاعاتكم

كل عام وأنتم العيد لأحبابكم ♥

الجمعة الحلوة

Read Full Post »