Feeds:
المقالات
تعليقات

Archive for 5 سبتمبر, 2009

THE_FAT

قيل فترة كنت رايحة الكورنيش و جاء و قت الصلاة و دخلنا المسجد و صلينا الحمد الله بعد الصلاه قبل مااطلع لفت علي وحده و قالت لي ياأخت !!

قلت نعم

قالت : انتي مضايقه من وزنك ؟!

قلت : لا (وحده و اثقه جدا :P)

قالت : أنا كنت زيك كذا دبه بس سويت رجيم اسمه الشوربة الحارقة و ضعفت

يالله خذي مقاديره و قعدت تقرر فوق راسي و انا اهز راسي و الود ودي اقوم اكفخها 🙂

قلت لها جزاك الله خير ( يالله بس انقلعي )

– الحين انتي جايه تصلين . و لا تتفرجين على المتختين و تقولين لهم اضعفوا !

انا أتقبل من أهلي و أصحابي لو قالوا يالبطه اضعفي ولا شيء اتقبل منهم لكن من شخص غريب أو أحد يجي يقولي مرح اتقبل ..

ماأذكر في ديينا الحنيف قال لا تصادقوا المتختين و صادقوا الضعاف

و لا تصادقوا القصار و صادقوا الطوال !!

انت لما تقول لي يا فلان اضعف أو فلانة اضعفي و انت ماتعرفهم أنت تجرحهم

أعرف أن المتختخ حساس جدا جدا و ماتلاقي اظرف منه 😛  تونس سواليفه (زيي أهبل سم الله علي )

أيام المراهقة في المرحلة المتوسطة ..كان عندنا عزيمة  أمي عازمه صديقاتها و جايبين بناتهم .. و كنا نلعب يعدين قالت لي وحده منهم يالدبه تعالي ..زعلت و دخلت الغرفه الين ماراحوا و استمرت الحاله مدة اربع سنين و انا معنزله العالم الخارجي لا أطلع سوق و لا مطعم ولا مكان بس بالبيت و السبب كلمة ..!!

قال رسول الله صلى الله عليه وسلم :” إن الرجل ليقول الكلمة من سخط
الله لا يلقى لها بالاً تهوى به سبعين خريفاً فى النار “

و أنا أقولك رب كلمة تودي واحد بعشرين داهية ..

فيا أخي أختي .. إذا شفتوا أحد دب  لا تتطنز ولا تسب و لا تنصح الا كانه غالي عليك و تبيه يضعف لا تقوله أنت دب يالله أضعف

قوله و الله لو ماكنت غالي عل ماكان قلت لك ذا الكلام و الود يارفيقى انا نصير  اصحاب لفتره طويله عشان ماتجيك أمراض القلب و الشرايين و السكر و الضغط و الجلطات ..تراك غالي علينا ..(يعني أسلوب )

تحية لكل متختخ و متختخه بالعالم و إذا كنت بتضعف اضعف عشان صحتك مو عشان أحد قالك أو عشان بتعرسين 🙂

و سلام

Advertisements

Read Full Post »