Feeds:
المقالات
تعليقات

Archive for 11 يناير, 2010

روتين

كل إنسان فيه جانب سيء و جانب جيد كما يقال ..

هذا جانب من الحوار الروتيني الذي يحصل تقريبا كل يوم مع البطه و بلقيس 🙂

الساعه 4 العصر ، القومه من الغيطوطه أو مايسمى القيلوله 😛

البطه: يالله بقوم اصلي العصر و انزل اتقهوا شوي عشان اصحصح

بلقيس : بس ساعه !

البطه : حاضر طال عمرك .. الزبده إني مشتهيه تويكس ، برسل السواق يجيب لي

بلقيس الحين وين اللي قايله مع بداية السنة ريجيم ريجيم ، والله ماعندك ماعند جدتي:@

البطه : ايه طيب مااختلفنا ، بس لازم نحتفل عشان أبدأ ريجيم 😀

بلقيس : اها ..تصريفه حلوه.

خلصت الساعه و دخلت الساعه الثانيه من البريك ولا زالت البطه متبطهح قدام التلفاز

بلقيس: يالله يالله قومي ماكنا وراك شغل

البطه : بس ينتهي هذا المسلسل و أقوم

أذن المغرب و اجتمعت العائله على القهوه  وقلطت البطه معهم :@

البطه :أخواني و أبوي ابي اجلس معهم اتقهوا شوي ، طول اليوم و انا بالغرفه قاعده و ثانيا صلة رحم

بلقيس : صلة رحم ها ، و الله ماقعدتي الا عشان ذا الحلا

البطه : اقول وش رأيك تأكلين تطيرين عني شوي

بلقيس و الله ودي بس أحب أنغص عليك شوي 😛

البطه: خلاص إذا أذن العشاء بقوم ارتاحي

بلقيس : طيب

البطه :يالله اتوكلنا على الله بقوم اصلي و اشتغل

صلاة العشاء..ركوع طووووووووويل و سجووووود طويل ..كل هذا محاولة لتضيع الوقت

الساعه 8 أخيرأ جلستنا على الكومبيوتر

الساعه 9 جاعت البطه .تنزل تتعشى و تقعد ساعه قدام التلفزيون

الساعه 10 بدينا نثاوب و ندخل شوي فيس بوك و شوي تويتر و نسولف هنا

الساعه 12 النوم سلطان تصبحون على خير 😀

(سيناريو يحدت تقريبا كل يووم بين البطه و بلقيس ، بس غالبا بلقيس تكفخ البطه 😀

Advertisements

Read Full Post »